Ish i dërguari amerikan për dialogun Beograd-Prishtinë, Richard Grenell thuhet se në rrjetet sociale sidomos Twitter i ka fshirë të gjitha postimet që kanë të bëjnë me presidentin serb Aleksandar Vuçiq dhe partinë e tij SNS-në.
Portale të caktuara serbe kanë shkruar se kjo a është sinjal se i besuari dhe emisari i ri i presidentit Donald Trump a po bën veprimin e papritur se në Serbi po ndodhin ndryshime dhe se asgjë nuk mund t’i ndalojë?
Por pas këtyre shkrimeve në rrjetet sociale ka reaguar Grenell.
“Ky është lajm i rremë. Profili im heq automatikisht përmbajtjen pas disa muajsh. A keni parë që nuk ka arkiv? Duhet të korrigjoni lajmet tuaja të rreme”, shkroi Grenell në Twitter, duke iu përgjigjur spekulimeve.
Kujtojmë se Grenell dhe presidenti Vuçiq kanë theksuar vazhdimisht bashkëpunimin e mirë gjatë viteve të fundit dhe në daljet publike nuk e kanë fshehur respektin reciprok. Grenell ishte një nga lojtarët kryesorë në negociatat që çuan në nënshkrimin e Marrëveshjes së Uashingtonit në vitin 2020. Kjo përgjigje erdhi pasi disa përdorues të Twitter vunë në dukje zhdukjen e pretenduar të postimeve që lidhen me Serbinë, gjë që shkaktoi një valë të re komentesh dhe spekulimesh në publikun vendas. (INA)
