Zëvendëskryeministri i parë, Artan Grubi në vendosjen e gurthemelit për Korridorin 10D, aksin Prilep-Manastir, tha se i ka ardhur fundi marrjes peng të Kuvendit nga opozita për ndërtimet e korridoreve, përcjell TV21. Grubi tha se kjo shumicë parlamentare , ky koalicion qeverisës do të mundësojë përfundimin e projekteve të njëjta.
“As Mickoski e as “Shën Micko” nuk mund ta ndalojë këtë projekt. Ky projekt do të vazhdojë dhe t gjitha qeveritë, ndërsa qeveria e ardhshme do të jetë e njëjtë siç është kjo sot, do ta përfundojë këtë projekt, do t’i presë shiritat dhe të gjithë qytetarët do të voziten në to”, tha Grubi.
