Që pas vitit 2001 dhe me Marrëveshjen e Ohrit është bërë shumë në decenetralizimin e pushtetit dhe pavarësinë e komunave.
Kjo është parë edhe në dobitë që kanë fituar shqiptarët gjatë ndarjes së pushtetit.
Mirëpo, sfida më e madhe mbetet thellimi i decentralizimit fiskal, që sipas zëvendëskryeministrit të parë Artan Grubi, do të kontribuonte në pavarësinë më të madhe të komunave dhe në realizimin më efektiv të interesave të qytetarëve të tyre.
“Sfida më serioze e vendit tonë mbetet pa dyshim thellimi i decentralizimit fiskal. Në këtë drejtim kemi rritur bashkëpunimin me çdo komunë të vendit, zhvillojmë bisedime intensive edhe me Bashkësinë e Vetëqeverisjes lokale që të konkretizohen kërkesat objektive të komunave, të përforcohet kapaciteti i tyre që të jenë sa më afër interesit të qytetarëve. Për këtë qëllim kemi formuar edhe grupin ndërsektorial të decentralizimit dhe zhvillimit rajonal ku në mënyrë dinamike diskutohet për ingerencat e reja që mund t’u kalohen komunave, edhe financiare, edhe institucionale”, tha Grubi në Prishtinë, transmeton TV21.
