Grupi punues në seancën e sotme miratoi Propozim-iniciativën për nevojën e ndryshimit të Kushtetutës me udhëzime për ndryshimin dhe plotësimin e Kushtetutës së Republikës së Maqedonisë së Veriut.
Propozimi do t’i dërgohet Qeverisë, e cila do të duhet ta përcjellë iniciativën në Kuvend, ku do t’i kalojë të gjitha trupat punuese. Propozimi parasheh vetëm ndryshimin e preambulës, ku si pjesë e popujve që jetojnë në RMV janë edhe bullgarët. Kjo kërkesë është kyçe edhe në procesin e fillimit të negociatave për anëtarësim në BE.