Gazeta “Marca” konfirmon përplasjen fizike mes lojtarit të Real Madrid, Federico Valverde dhe spanjollit Alex Baena në parkimin e stadiumit madrilen pas ndeshjes Real-Villarreal.
Sipas burimeve të ndryshme, uruguajani e ka pritur rivalin në parkimin e stadiumit në afërsi të autobusit të Villarreal dhe e ka sulmuar e goditur me grushte. Ai e ka kapur në befasi dhe e ka gditur pa paralajmërim duke e dëmtuar jo pak mbrojtësin e krahut të majtë.
Villarreal njofton se 21-vjeçari i Kombëtares U-21 ka shkuar në rajonin e policisë duke denoncuar mesfushorin e Realit. Në krahun tjetër, stafi i uruguajanit mbrohet duke thënë se gjithçka ka nisur që në ndeshjen e Kupës ku Baena i ka kujtuar momentet kur për pak sa bashkëshortja e tij nuk humbi fëmijën në muajin e fundit të shtatzanisë.
Në “Bernabeu” Valverde i kërkoi që të mos përfshijnë familjet në këtë debat. Në fillim të këtij viti, bashkëshortja e mesfushorit, Mina Bonino për pak sa nuk humbi fëmijën e tyre të dytë por gjithçka shkoi mirë dhe i mituri shpëtoi.
