ubjekti politik “Guxo” ka lëshuar një komunikatë për media në lidhje me zhvillimet e fundit në veri të vendit, raporton Gazeta Blic.
Sipas deklaratës për media të bërë nga “Guxo” ata shprehen se i mbështesin plotësisht institucionet e Republikës së Kosovës në përpjekjet demokratike për qeverisje lokale.
“Partia Guxo mbështet plotësisht institucionet e Republikës së Kosovës në përpjekjet demokratike për qeverisje lokale, për rend, rregull dhe ligj. Partia Guxo mbështet fuqishëm qëndrimin e institucioneve se kryetarët e komunave duhet të punojnë nga objektet zyrtare komunale dhe, natyrisht, në çdo ndërtesë zyrtare e qeveritare duhet të valojë flamuri i shtetit të Kosovës” thuhet nga Guxo raporton Gazeta Blic.Tutje Guxo ka dënuar sulmet ndaj KFOR dhe Policisë së Kosovës
Nga kjo parti po ashtu është thënë se mbështet komunikimin e sinqertë e të vazhdueshëm me partnerët ndërkombëtarë.
“Partia Guxo mbështet komunikimin e sinqertë e të vazhdueshëm, bashkërendimin e bashkëpunimin e ngushtë të të gjitha institucioneve të Republikës së Kosovës me misionet e me partnerët ndërkombëtarë, veçanërisht me Shtetet e Bashkuara të Amerikës, me të cilin partneritet e bashkëpunim vëllazëror, Republika e Kosovës ka trasuar e ndërtuar rrugën e vet drejt lirisë, pavarësisë, demokracisë e zhvillimit të saj si shtet i pavarur, sovran e unik”thuhet në reagimin e tyre raporton “Gazeta Blic”.
