Hajnat se e grabitën dhe tmerruan futbollistin e njohur shqiptar në Gjermani

Iliria News Agency
Iliria News Agency

26/04/2023

Vitin e kaluar, ndodhi një grabitje në shtëpinë e futbollistit të Levantes, Shkodran Mustafi (me prejardhje nga Gostivari), pasi mbrojtësi shqiptar ishte kthyer nga Gjermania me familjen e tij. Deri më tani, vlera e dëmit thuhej se ishte një milionë euro, por sot AS shkruan se është 1.2 milionë euro.

Hajdutët kanë arritur të vjedhin 12 ora me vlerë totale 800 mijë euro, të markave luksoze si Rolex, Patek Philippe dhe Audemars Piguet. Gjithashtu janë vjedhur tetë çanta luksoze, të prodhuara nga Chanel, Hermes dhe Louis Vuitton, të cilat kushtojnë rreth 50 mijë euro.

Krahas kësaj, hajdutët kanë vjedhur edhe një unazë diamanti, byzylykë dhe gjerdan me vlerë 280 mijë euro. Ata janë larguar edhe me para të gatshme nga shtëpia dhe është një shifër prej 11 mijë eurosh. Mustafi tregoi se si ndodhi gjithçka. Ndërsa ai dhe gruaja e tij po shikonin televizor në dhomën e ndenjes, ata i dërguan fëmijët në dhomën e tyre dhe u siguruan që ata të flinin.

Më pas u dëgjua një zhurmë nga ballkoni dhe hajduti po godiste xhamin me çekiç. Mustafi i bërtiti gruas së tij që të thërriste policinë dhe vrapoi në dhomën ku ishin fëmijët. Ai mori fëmijët dhe dëgjoi gruan e tij që kishte aktivizuar tashmë butonin e alarmit. E teksa gjeti fëmijët dhe u sigurua që ata ishin mirë, Mustafi u përballë me dy hajdutë.

Njëri prej tyre kishte një çekiç me vete dhe nuk e la futbollistin gjerman të mbyllte derën. Ai e kërcënoi Mustafin që të fikte alarmin, ashtu si në fakt ndodhi. Më pas tre hajdutët e çuan Mustafin dhe gruan e tij në dhomën ku mbanin bizhuteritë dhe i pyetën se ku i kishin saktësisht sendet më me vlerë. Në disa sirtarë gjetën bizhuteri të ndryshme, por menjëherë pyetën për kasafortën.

“Nuk e di nga e kanë ditur ekzistencën e kasafortës. E frikësuar gruaja e ka hapur, i ka dhënë para dhe një kuti me tre orë dhe më pas ka tentuar ta mbylli. Por hajdutët e kanë ndaluar dhe kanë arritur të marrin gjithçka që ishte ende aty”, tha Mustafi.

TË FUNDIT

ME TE LEXUARA

LEXO MË SHUMË

kosovar suedi

Dy kosovarë bëhen heronj në Suedi, ia shpëtuan jetën një personi që ra në ujë

shqiptari restorant gjermani

Shqiptari që ka restorant në Gjermani s’ua merr asnjë cent klientëve shqiptarë

punetoret-800x445

Si e humbi jetën mërgimtari 43 vjeçar në Itali

protesta-nju-jork2

Shoqata Malësia e Madhe në New York, zgjodhi kryesinë e re : Kryetar i ri me mandat dy vjeçar u zgjodh Senad Lulanaj

shtetesia amerikane lotaria

Tarifat e aplikimit për shtetësi amerikane do të rriten për herë të parë në 8 vjet

qendra kulturore zagreb

Hapja solemne e Qendës Kulturore Shqiptare në Zagreb

policia gjermane gjermani

41-vjeçarja nga Maqedonia goditet me thikë nga burri i saj në Gjermani në sy të djalit të saj të mitur

supermarketet-800x445

Në të ardhmen, Coopi zviceran do të shesë perime nga Shqipëria

zvicer-policia

Shtetasi i Maqedonisë dëbohet nga Zvicra

INFO

NA NDIQ