Hajnat vjedhin stoli ari dhe para në Ferizaj, gjuajnë edhe me armë

Tre persona kanë hyrë me forcë brenda një shtëpie në Ferizaj, ku kanë vjedhur stoli ari dhe para të gatshme.

Kështu ka lajmëruar pronari i shtëpisë në polici i cili ka treguar se gjatë ikjes, të dyshuarit kanë shtënë me armë zjarri.

“Njësitë policore kanë dalë në vendin e ngjarjes dhe është aktivizuar plani operacional. Nuk raportohet për të arrestuar, përderisa rasti është duke u hetuar”, njofton policia përmes raportit.