Një grup hakerësh rusë kanë sulmuar e bllokuar faqet online të Shërbimit Informativ Shtetëror.
Një burim nga ShISh-i i tha Top Channel, se kanë të bëjnë thjesht me një sulm që nuk lejon mundësi aksesi në faqen zyrtare të tyre.
I njëjti burim konfirmoi se sulmi është vetëm në këtë faqe e cila nuk është e lidhur me serverat apo arkivën e ShISh-it.
Top Channel mëson se sulmi është ndërmarrë nga “IT Army of Russia”, ky APT pro-Rus me lidhje direkte me inteligjencën ruse.
“Mirëmbrëma, CyberArmy! Ne vazhdojmë punën tonë modeste për Shqipërinë. Ne po mundohemi të rrëzojmë Shërbimin Informativ Shtetëror – policinë zyrtare të shtetit të Republikës së Shqipërisë”, thuhet e hakerëve.
Ky sulm vjen pas atyre kibernetike të Iranit në Gusht të 2022-shit.
