Haradinaj tregon se kush do të pasardhësi i tij në krye të AAK-së (FOTO)

Kryetari në detyrë i Aleancës për Ardhmërinë e Kosovës, Ramush Haradinaj, ka thënë që pas largimit të tij nga kjo parti udhëheqjen do ta marrë Ardian Gjini, njofton Klan Kosova.

Haradinaj këto komente i ka bërë në emisionin Rubikon duke përsëritur qëllimin e tij për t’u bërë President i Kosovës.

Ishin përfolur disa zëra që do të mund ta zinin vendin e Haradinajt në partinë të cilën e ka udhëhequr që prej themelimit të saj, por tani në rast të largimit të tij të mundshëm nga kjo parti, dihet emri që do ta pasojë atë.

Ai kishte thënë që posti i presidentit do të jetë vendimtar për funksionimin e qeverisë që do të dalë nga zgjedhjet e 14 shkurtit.

Ardian Gjini

Haradinaj ka thënë se nëse bëhet president, pas përfundimit të mandatit nuk do të jetë më pjesë e politikës.Kështu deklaroi ai në një intervistë për lajmi.net, ku ka thënë se nëse bëhet president, pas përfundimit të mandatit do të largohet përfundimisht nga politika.

“Vetvetiu më nuk do të ushtroj funksione të partisë. Presidenti është institucion i vendit edhe ai ka përgjegjësi edhe e ka punën e vet, por nuk do të udhëheq më Aleancën për Ardhmërinë e Kosovës. S’ka aktivitet tjetër, vetëm aktivitet institucion. Nuk do të bëjë asgjë politike”, ka thënë Haradinaj.