Hasani: Ka një vit që nuk e kam përqafuar nënën time, as dorën s’ia kam prekur

Në lidhje me 7 prillin, Ditën Ndërkombëtare të Shëndetisë, zëvendësministri i Shëndetësisë, Ilir Hasani në ClickPlus ka apeluar deri te qytetarët, t’i respektojnë masat anti-Covid.

Ka treguar, se ka një vit që nuk e ka përqafuar dhe as prekur dorën e nënës së vet.

“Kjo nuk është luftë që e bën vetëm qeveria, apo unë. Përgjegjësia është e të gjithë qytetarëve, prej më të vegjëlve, deri te më të mëdhenjtë. Nuk jam unë budalla, që një vit nënën time nuk e kam përqafuar, as nënës time nuk ja kam prekur dorën, as dorezat e dyerve në shtëpinë ku jam rritur nuk i preki. Vërtetë, dua të apeloj deri te qytetarët, dhe ky duhet të jetë mesazhi i 7 prillit, që të respektojmë masat”, tha Hasani.