NGA SAMI BLAKAJ, Berlin
Skuadra e mërgatës kosovare, „FC Liria Berlin“ ka shkruar një faqe të re në librin e futbollit gjerman. FC Liria e Berlinit arriti të jetë rezultati më i madh i shënuar ndonjëherë nga klubet sportive të diasporës shqiptare.
Ky sukses i jashtëzakonshëm në rangun e futbollit gjerman erdhi si rezultat i ndeshjes së zhvilluar të dielën pasdite në sallën sportive Schöneberg, ku skuadra e mërgatës kosovare FC Liria Berlin arriti ta mposhtë skuadrën kundërshtare Sparta Futsal, duke shënuar një fitore bindëse 6:1.
Fitorja e së dielës e kualifikojë skuadrën kosovare në elitën e futsallit gjerman dhe kësisoj FC Liria Berlin në sezonin 2023/2024 do të garojë në Bundësligën gjermane.
I gjithë ky sukses i jashtazakonshëm i skuadrës kosovare vjen si rezultat i punës dhe angazhimit të palodhur të futbollistëve tanë dhe anëtarëve të kryesisë, Sadri Zemaj, Sadik Murseli dhe Bejtullah Makiqi.
Klubi futbollistik FC Liria është themeluar në vitin 1985 nga shqiptaret e Kosovës që jetojnë në Berlin dhe sot është ndër anëtarët më të vjetër dhe aktivë të Federatës së Futbollit Shqiptar në Gjermani.(INA)