Marie Louise Eta do të jetë zëvendësja e Marco Grote, trajnerit të ri të Union Berlinit. Emërimi i trajneres përfaqëson një ngjarje të parë historike në Evropë: asnjë femër nuk ishte ulur ndonjëherë në stol në një klub në 5 ligat më të mira evropiane për meshkuj.
Eta dhe Grote, të cilët u thirrën për të zëvendësuar të shkarkuarin Urs Fischer (13 nokaut në 14 të fundit), do të bëjnë debutimin e tyre më 25 nëntor kundër Augsburgut.
Eta është një ish-futbolliste, ka qenë mesfushore e Turbine Potsdam, Hamburg, Coppenburg dhe Werder Bremen. Në vitin 2019 ajo u bë bashkëpunëtore teknike në ekipet kombëtare gjermane të të rinjve për femra dhe nga qershori ishte pjesë në stafin e ekipit U-19 të Union Berlin, së bashku me Grote.
Ka shumë pak precedentë të ngjashëm dhe të gjithë kanë të bëjnë me turne të vogla, ose përzgjedhje të të rinjve: në Itali kujtojmë përvojën e Carolina Morace, e cila në vitin 1999 drejtoi Viterbese të Gaucci në C1 për dy ndeshje, ndërsa shembulli më i fundit është ai i Patrizia Panìco, e cila në vitin 2017 ishte asistent i Daniele Zoratto-s në kombëtaren italiane U-16, të cilën e drejtonte kur trajneri ishte i zënë me ekipin U-19.
