E ftuar në “Pushime on Top”, Efi Dhedhes i dha fund aludimeve se një nga postimet e saj ishte kunjë për Kiara Titon. Efi tha se nuk ka arsye se përse të hedhë kunja ndaj personave të tjerë dhe e quajti diçka të tmerrshme këtë që ndodhi.
“Kjo është gjë shumë e tmerrshme, prandaj them se kjo është arsyeja se përse nuk dal në intervista. Njerëzit nuk e kanë kuptuar që unë tani kam një jetë, jeta ime nuk i përket më askujt dhe nuk ka kunja. Në fakt unë e kisha çështje pune pavarësisht se ma morën për tjetër gjë. Ideja është këtu, në periudhën që unë isha brenda, mesa di kam pas periudhën që më thërrisnin me një lloj epiteti,” tha Efi.
Ajo shton se kapitulli i Big Brother është mbyllur dhe se kërkon që të marrë vëmendje për gjëra të tjera e jo për të tilla veprime.
“Përtej shakave unë e kam mbyllur atë kapitull. Nuk kam pse të hedh kunja, nuk dua më të marr vëmendje për këtë gjë, e mora kur ishte momenti. Në këtë pikë të jetës dua të marr vëmendje për gjëra të tjera,” shtoi ish-banorja e BBV2.
