Holanda stopon një projekt të madh lidhur me Këshillin Gjyqësor, i cili është kthyer në një organ jolegjitim.
Këtë e tha sot ambasadori holandez në vend, Dirk Jan Kopp, për Radion Evropa e Lirë.
“Rasti me Këshillin Gjyqësor, i cili në fakt u bë organ jolegjitim. Është shumë serioze dhe e dhimbshme të shikosh. Dhe për shkak të këtij precedenti, Holanda tani ka lënë pezull një projekt të madh me Këshillin Gjyqësor. Situata është shumë e rëndë”, tha Kopp për Radion Evropa e Lirë.
Ambasadori Kopp përmend rastin e Këshillit Gjyqësor si një nga shumë rastet e këqija që kanë ulur besimin në sistemin gjyqësor.
Problem tjetër, sipas tij, është kthimi në rigjykim i lëndëve të zyrtarëve të lartë, të cilat më herët janë trajtuar nga prokuroria speciale publike.
Sipas tij, në dy vitet e kaluara kemi menduar se kemi parë progres, mentalitet më të mirë, emërim të pavarur të gjyqtarëve në Gjykatë, por edhe tani shohim sërish se gjërat janë duke u përkeqësuar.(INA)
