Pas takimit me kryeministrin Kurti, Ambasadori amerikan në Kosovë, Jeffrey Hovenier ka thënë se kanë pasur një takim të mirë.
Ai ka thënë se kanë diskutuar rreth kërkesave të SHBA-së për deeskalim të situatës.
Po ashtu ka shtuar se s’mundet thotë që kryeministri Kurti ka ndryshuar qëndrim rreth kërkesës që kryetarët, të mos dalin në objektet komunale, por që diskutimi ka qenë i mirë.
I pyetur për sanksionet e mundshme, Ambasadori i ShBA-së në Kosovë, Jeffrey Hovenier, deklaroi se nuk do që ta përdorë këtë fajlë ndaj Kosovës.
Megjithatë, sipas tij, ato janë vetëm disa pasoja si shkak i situatës aktuale.
Kreu i diplomacisë amerikane në Kosovë, tha se shpreson që kjo situatë të kalojë në mënyrë që të mos ketë më pasoja.
Ndërkohë, ai refuzoi të përgjigjet në atë se çfarë do të ndodhte sikur Kurti të mos ndërronte mendje.
“Nuk jam në gjendje të them se çfarë pasoja mund të ketë”, u shpreh Hovenier.
“Do të thosha se SHBA-ja po mendon se ne duhet ta inkurajojmë qeverinë e Kosovës që të bëjë atë që ne mendojmë se është jashtëzakonisht e rëndësishme të bëhet tani”.
Ambasadori tha se nuk është diçka që SHBA-të do ta ndryshojnë situatën.
“Por kjo kërkon një vendim të kryeministrit Kurti dhe të qeverisë së Kosovës. Pikërisht për këtë tani po flisnim”.
