Labinot Maliqi
17 vite pa dijetarin nga Kumanova, hoxhë Jakup Asipi (Zoti e mëshiroftë). Ai vdiq më 7 janar 2006, atëherë kur unë isha vetëm në vitin e parë në shkollën e mesme “Medrese Alauddin” në Prishtinë. Vdekja e tij, vërtetë më pat tronditur shumë, dhe kujtimet e asaj dite edhe sot i kam të freskëta.
Ai, u përkiste atyre hoxhallarëve që imamllëkun e konsiderojnë mision, e kurrsesi profesion. Ishte i guximshëm, e thoshte të vërtetën, dhe fjalët e tij nuk binin ndesh me veprat e tij. Ishte i fjalës, i pendës e i pushkës, dhe nuk e keqpërdorte fenë për interesa personale. Me aktivitetin e tij fetarë e kombëtar, kishte vetëm një qëllim, Kënaqësinë e Zotit, e jo pëlqimet, klikimet, përfitimet, e pozitat e kësaj bote. Sa shumë na mungon. Zoti e shpërbleftë me Xhenet.
