Kryetari i Partisë Demokratike Evropiane, Arjanit Hoxha sot ka takuar presidentin e Shqipërisë, Bajram Begaj, i cili po qëndron në Shkup në kuadër të Samitit Bërno-Brijuni.
“I shoqëruar nga deputeti Bastri Bajrami, sot takuam Presidentin e Republikës së Shqipërisë, z.Bajram Begaj.
Bashkëbiseduam me Presidentin Begaj për sfidat aktuale politike në rajon dhe nevojën për angazhim maksimal për ruajtjen e kursit pro-evropian të rajonit. E njoftova Presidentin Begaj edhe për nismën e Partisë Demokratike Evropiane si forcë e re politike e cila ka për synim angazhimin maksimal për të kontribuar në përshpejtimin e procesit të integrimit të Maqedonisë së Veriut në Bashkimin Evropian që së bashku me Shqipërinë të realizojmë synimin strategjik për të qenë pjesë e përbashkët e familjes evropiane”, ka nënvizuar Hoxha përmes një postimi në rrjetet sociale.(INA0
