Hulusi Asipi jep dorëheqje nga Lëvizja Besa në Kumanovë

Iliria News Agency
Iliria News Agency

31/01/2022

Anëtarësimi në radhët e Lëvizjes Besa të Fatmir Limanit ka shkaktuar një uragan dorëheqje nga radhët e kësaj partie.

Sot dorëheqjen e radhës e deponoi me anë të një statusi në rrjetin social në facebook, Hulusi Asipi:

Të nderuar miq!

Përfshirja ime aktive në proceset politike për herë të parë filloi në zgjedhjet parlamentare 2016 me Lëvizjen Besa. Pasi nga Besa u nda nji grup (tani AAA) vazhdova me ringritjen e strukturave të LB në degën e Kumanovës derisa arritëm të kemi struktura dhe aktivistë në gjitha lagjet dhe vendbanimet shqiptare. Për të qenë i sinqertë deri në fund, pranova të jem kandidat për këshilltar komunal në zgjedjet e fundit. Kjo rezultoi të kemi nji rezultat të kënaqshëm. Gjithë këto i kam bërë duke qenë i bindur se jam duke e bërë gjënë e duhur për të ardhmen e popullit dhe rinisë tonë.

Te LB e kisha parë atë grupim që më ngjallte shpresë se mund të bënim atë që nuk ishte bërë në politikbërjen e deritanishme. Që sadopak të kontribojmë në krijimin e kushteve që rinia jonë duke mos pasur shpresë mos tia mësyjë ikjes nga vendlindja. Të vendosim një frymë të re në politikbërje ku vendimet të merren me konsultim, ku nuk do të ketë padrejtësi por meritokracia të jetë kriter në përzgjedhje. Ku zyrtari do të jetë profesionist, i drejtë, i ndershëm dhe i pakorruptueshëm. Ashtu edhe ishte në fillim. Debatet ndonjëherë zgjatnin me orë por secili shprehte mendimin e vet dhe vendimi merrej me shumicë votash. Kur u anashkaluam nga blloku opozitar shqiptar, për t’i çuar proceset përpara pranuam të bëjmë nji presedan në politikbërjen e deritanishme, ku për herë të parë një parti shqiptare bën koalicion parazgjedhor me një parti maqedone me qëllim të vazhdohet diskursi euroatlantik i RMV. Ashtu edhe ndodhi dhe ne u bëmë pjesë e qeverisë. Në qeveri nuk shkonte aq lehtë sa pritnim po në fund arrihej deri te e duhura.

Me ardhjen në pushtet e pastaj rreth zgjedhjeve lokale e sidomos pas zgjedhjeve, për kohë të shkurtë ndodhën disa lëvizje kontraverze nga një pjesë e kryesisë (së ngushtë). U bënë ndryshime rrënjësore të qëndrimeve me vendimin e vetëm një grupi të vogël të kreut të LB. Ne tjerët si anëtarë të kryesisë qendrore dhe kuvendit qendror merrnim vesh nga rrjetet sociale e ndonjëherë edhe nga anëtarë të subjekteve tjera. Edhe pse shprehëm paknaqësitë tona, kjo nuk u morr fare parasysh.

Nga gjithë kjo dhe nga arsye tjera, duke qenë në pamundësi të kryej detyrën time për atë çka besoj unë se duhet një zyrtar i lartë partiak të bëjë, me keqardhje më duhet t ju lajmëroj se më nuk do të jem pjesë e karavanit të Lëvizjes Besa. Aktivitetin tim si këshilltar komunal do ta vazhdoj si i pavarur duke qëndruar besnik deri në fund premtimeve parazgjedhore, dhe atyre që më kanë dhënë përkrahjen nê këto zgjedhje. Me respektin më të madh.

I juaji Hulus Asipi

TË FUNDIT

ME TE LEXUARA

LEXO MË SHUMË

Arben Taravari

Taravari uron Kosovën për votimin në Asamblenë e KiE: Gjithmonë me Kosovën tonë

qeveria-750x430

Qeveria vendosi: 24 prilli dhe 8 maji ditë jo pune për të gjithë qytetarët

Ali Ahmeti tubim

Ahmeti: “Ju thash, ma jepni shpatën dhe ju më besuat e unë nuk ju zhgënjeva”

Protesta_Mjeket

Qeveria mori vendim për specializantët

06eb15d2-4c29-4428-829f-782a34419ce7

Kasami nga Dibra: Do të investojmë në zhvillimin e vendit, do të mbështesim rininë dhe kthimin e mërgatës

FB_IMG_1713299161129

Taravari: Na tronditi lajmi për vdekjen e mërgimtarit tonë Taip Fidani në Sarajevë

Afrim Gashi

Gashi nga Dibra: BDI ka zgjedhur ta shajë Rusinë, për t’i ikur kritikës për hajninë

bajram begaj

Presidenti Begaj përshëndet miratimin nga Asambleja Parlamentare e Këshillit të Europës të rekomandimit për anëtarësimin e Kosovës në KiE

IMG_1166

Deputetja e Turqisë në KiE: Jam me prejardhje nga Kosova, e mbështes me zemër

INFO

NA NDIQ