Ibrahimi: Alternativa nuk do të përkrahë asnjë kandidat të pushtetit, reagon Hoxha

Zeqirija Ibrahimi nga Alternativa, ekskluzivisht në ClickPlus bëri të ditur se Alternativa nuk e përkrah asnjë kandidat të pushtetit, transmeton TV21. Ndër të tjera, Ibrahimi tha se votuesit janë të lirë, mund të votojnë cilin të duan.

Sapo mbaroi emisioni, i menjëhershëm ka qenë reagimi i sekretarit të përgjithshëm të Lëvizjes Besa, Arjanit Hoxha.

Reagimi i plotë i Hoxhës:

Duke qenë të apostrofuar si Lëvizje BESA nga personi që keni në studio mund të komentoj vetëm një gjë: me zor mund të marrësh dhe jo të japësh!
A ka mundësi z.Ibrahimi të tregon se 2020 kur kërkonte vota në zgjedhjet parlamentare a ishte Qeveri apo opozitë? Dhe si ka mundësi që ende si opozitë të kenë 3 drejtora dhe atë:

Shtepia Muze – Nena Terezë Shkup
Drejtor i shkolles për fëmijë me invaliditet – (drejtor eshte kandidati i Alternatives në Studenican)
Drejtori i Pallatit të Kulturës Kërçovë – kryetar dege i Alternatives
Ndërkaq Ibrahimi në ClickPlus tha se nëse Besa duan vota nga opozita, ata duhet të dalin nga qeveria fillimisht dhe të dorëzojnë interpelancë ndaj të njëjtës./TV21