Shkruan: Halil Geci
“42 HERË TRADHTI – NJË KUVEND QË IKËN NGA POPULLI”
Kush po e mban peng vullnetin e popullit?
A ka ndodhur ndonjëherë në historinë e ndonjë shteti demokratik që Kuvendi të mos mund të konstituohet… për 42 herë radhazi?
“Alarmi ishte i rremë. Por paniku ishte real. Ata nuk ikën nga frika për shtetin,por ikën nga frika se po rrënohej tavani dhe po i zinin rrënojat brenda.
Nga dëshira për ta kullotur edhe pak ‘livadhin e pushtetit’, u tërhoqën si zagart, nga dhimbja se mos po vdesin e po e lënë mbrapa lluksin, dhe kurvat që po i mbajnë në pëllëmbën e dorës.
Kërkesat bajate të këtyre opozitarëve janë në fund të durimit që po e përjeton ky popull!”
Paramendoni :
42 herë janë mbledhur për të mos u marrë vesh.
42 herë kanë refuzuar ta përfaqësojnë votën tonë.
42 herë kanë heshtur para përgjegjësisë.
Kjo nuk është thjesht bllokadë institucionale.
Kjo është tradhti e vullnetit qytetar, e bërë me vetëdije dhe bashkërendim.
Kjo legjislaturë po hyn në histori si shembulli më i keq i papërgjegjësisë politike që është parë ndonjëherë në një shtet demokratik.
Në asnjë vend tjetër, nuk ndodh që pas zgjedhjeve, përfaqësuesit të mos arrijnë ta formojnë Kuvendin për 42 seanca rresht.
Populli nuk do ta harrojë këtë.
Kufiri nuk do të kthehet te ura e Ibrit, ashtu siç nuk do të kthehet më besimi i popullit në ata që me vullnet e me vedije po i shërbejnë agjendave që nuk kanë asgjë të përbashkët me Dardaninë.
Vota ka nisur të ecë.
Dhe ajo do t’i gjejë kutitë, pavarësisht pengesave,populli nuk harron. Dhe kur zgjohet, nuk fal.
