Infermieret në Tetovë kanë shprehur hapur zhgënjimin ndaj Ministrisë së Shëndetësisë dhe Qeverisë, pasi pritjet për vendime pune nuk janë përmbushur. Në vend të tyre, edhe këtë herë atyre u janë dorëzuar kontrata me afat të kufizuar, vetëm deri në dhjetor. Ndërkohë, edhe premtimet për pagesën e rrogave të mbetura nuk janë realizuar.
“Ne presim tash. Drejtori na informoi se do të bëhet pagesa, por problem mbetet ende çështja e vendimeve, për të cilën nuk ka informatë. Drejtori u shpreh se ai nuk jep vendime dhe na u tha që të drejtohemi në ministri. Presim zgjedhjen e ministrit, pastaj të kërkojmë takimin me të për të drejtat që na takojnë,” – deklaroi infermierja Flutura Islami.(INA)
