Inflacioni  në Maqedoninë e Veritu, çmimet në pakicë më të larta në maj krahasuar me muajin prill

Inflacioni që u mat me indeksin e kostos së jetesës në muajin maj krahasuar me muajin prill është rritur për 0,9%, njoftoi Enti Shtetëror i Statistikave, përcjell TV21. Rritja vjen si pasojë e rritjes së kostos së jetesës në sektorët e restoranteve dhe hoteleve, rekreacionit dhe kulturës, transportit, veshjeve dhe këpucëve. Rënie e kostos së jetesës është vërejtur në grupin e komunikimeve për  0.3%, ndërsa kostoja e jetesës ka mbetur në të njëjtin nivel në sektorin e pijeve alkoolike, duhanit dhe narkotikëve dhe arsimit. Krahasuar me majin e vitit të kaluar, ka pasur rritje prej 4.5%. Çmimet e shitjes me pakicë në maj në krahasim me prillin shënuan rritje prej 1.3%, ndërsa në krahasim me majin e vitit të kaluar shënuan rritje prej 5.8%.