Inter me mision të qartë ndaj Benficës. Ditën e mërkurë, skuadra zikaltër do të luajë ndeshjen e dytë të fazës çerekfinale të Champions League.
Pavarësisht fitores 0-2 në Portugali, ekipi italian do të kërkojë të lërë shenjë në këtë përballje.
20 milionë euro janë në lojë në rast kualifikimi. Me 20 të tjera që mund të mbërrijnë në dy muajt në vijim. Në rast se një nga skuadrat shkojnë në finale UEFA garanton 15.5 të tjera për finalistin dhe 4.5 të tjera për fituesin. Humbja ndaj Monzës ishte e treta radhazi në shtëpi pa shënuar asnjë gol, hera e parë që ndodh për Interin, një humbje që po jep alarmin edhe për sfidën e kthimit ndaj Benfikës, një sfidë delikate dhe e rëndësishme, ku morali i ulët dhe frika nuk duhen lënë të ndikojnë.
Sa i përket formacioneve, lajmi i mirë, pas humbjes ndaj Monzës, është rikthimi i Çalhanoglu. Mesfushori turk ishte jashtë fushave për tri javë për shkak të problemeve fizike, dhe tashmë është gati të rimarrë rolin e tij.Çifti Edin Dzeko-Lautaro Martinez mund të reformojnë partneritetin e tyre në sulm. Ndërkohë Benfika ka konfirmuar në mbrojtje Nicolas Otamendi i cili mungoi ndeshjen e parë për shkak kartonash. Mesfushori Florentino është gjithashtu i disponueshëm, ndërsa mungesa të sigurta në këtë sfidë janë ato të Julian Draxler, Mihailo Ristiç dhe mbrojtësi i djathtë Alexander Bah.
