Parlamenti i Maqedonisë së Veriut në seancën e sotme ka votuar mosbesimin për pesë anëtarët e Këshillit Gjyqësor, të zgjedhur po nga institucioni ligjvënës.
Bëhet fjalë për anëtarët Vesna Dameva, Selim Ademi, Milazim Mustafa, Tanja Çaçarova-Ilievska dhe Pavlina Cërvenkovski.
Interpelancat kaluan në seancë me mbi 70 vota, ndërsa propozuesit e interpelancave, deputetët e mazhorancës qeverisëse, i bënë thirrje këtyre anëtarëve të Këshillit Gjyqësor që të dorëzojnë dorëheqjet duke konsideruar se këto interpelanca nuk janë të detyrueshme për ta.
Anëtarët e tjerë të Këshillit Gjyqësor i zgjedhin gjyqtarët nga radhët e tyre.
Deputeti i LSDM-së, Oliver Spasovski, gjatë diskutimit tha se interpelancat kanë diskriminuar anëtarët e Këshillit Gjyqësor.
Ministri shumëvjeçar i Punëve të Brendshme beson se tetë anëtarët e tjerë të Këshillit Gjyqësor, të cilët janë në mesin e gjyqtarëve, do të mund të marrin sërish vendime dhe, siç tha ai, për shkak të tyre gjyqësori ka një vlerësim prej 2 për qind.(INA)
