Investimet evropiane për rajonin, 1.2 mld Euro në 2023-in

INA
INA

09/02/2024

Banka Evropiane e Investimeve ka investuar 1.2 miliardë euro në Ballkanin Perëndimor në vitin 2023. Kjo shumë është 365 milionë euro më shumë se në vitin 2022, deklaruan ekspertët e Bankës Evropiane të Investimeve në konferencën e saj vjetore. Investimet janë të destinuara për projekte të qëndrueshme dhe të tranzicionit energjetik që mbështesin anëtarësimin e rajonit në Bashkimin Evropian. Zv presidenti i BEI-së, përgjegjës për Ballkanin Perëndimor, Kyriakos Kakouris tha se vitin e kaluar janë dhënë grante në vlerë prej 475 milionë euro në kuadër të Kornizës së Investimeve për Ballkanin Perëndimor dhe nismës për qëndrueshmëri ekonomike.

Pjesa më e madhe e fondeve, 58%, rreth 693 milionë euro, janë të destinuara për hekurudhat në Serbi, seksioni Beograd-Nish dhe ndërlidhjes së Maqedonisë së Veriut me kufirin bullgar. Kjo bankë ka ofruar mbështetje teknike këshilluese për përgatitjen dhe zbatimin e një projekti të furnizimit me ujë në Tiranë, si dhe një linjë kredie për bizneset e vogla në Maqedoninë e Veriut.
Ndërkaq në Shqipëri po vijojnë punimet për rindërtimin e shtrirjes 34 km të hekurudhës ndërmjet Durrësit dhe Tiranës. Pasi hekurudha të jetë rindërtuar dhe trenat e rinj të kenë ardhur, udhëtimi midis dy qyteteve më të mëdha të Shqipërisë do të zgjasë vetëm 20 minuta.

Projekti për rindërtimin e hekurudhave financohet nga BERZH me një kredi prej 36.9 milionë euro dhe BE-ja me një grant investimi deri në 35.5 milionë euro. Një shtesë prej 2.75 milionë euro grante nga donatorët dypalësh janë siguruar përmes Kornizës së Investimeve të Ballkanit Perëndimor.

Banka Evropiane e Investimeve ka dhënë fianancime për të përmirësuar sistemin e shpërndarjes së ujit dhe strehimin e përballueshëm në Tiranë, zhvillimin e qëndrueshëm në Shqipërinë e Veriut dhe ndërtimin e bypass-it të Vlorës.

Banka e BE-së do të japë financim shtesë për modernizimin e transportit urban në Sarajevë dhe projektin për rehabilitimin e rrugëve dhe përmirësimin e sigurisë së trafikut në Serbi.

Banka Evropiane e Investimeve ka dhënë 275 milionë euro në vitin 2023 për mbështetjen e ndërmarrjeve të vogla dhe të mesme në rajonin tonë. Fonde të mëdha janë dhënë për projekte në fushën e energjisë, furnizimit me ujë, shëndetësisë dhe arsimit.

TË FUNDIT

ME TE LEXUARA

LEXO MË SHUMË

cmimet-e-garantuara

Bekteshi: Nuk do të vazhdohet masa për çmime të garantuara, do të ketë ndryshime ligjore

nafta tregjet

Rënie e madhe e eksporteve të naftës amerikane në Evropë, rritje e re e çmimeve të mundshme

aeroport italiane franceze

Shtrenjtohen biletat e fluturimeve, ja sa do të shkojnë?

ekonomi investim plan menaxhim

Samiti për Investime në Ballkan bënë bashkë gjashtë kryeministrat në Londër, fokus rritja e investimeve në rajon

supermarketet-800x445

Qytetarët blejnë vetëm produktet e nevojshme dhe kanë frikë nga një rritje e re çmimi

kontabilitet menaxher biznes

Do te rritet çmimi i shërbimeve për kontabilitet në Maqedoninë e Veriut

Anita-Angelovska-Bezhoska-MMF-750x430-1-696x399-1

Angellovska-Bezhoska: Trendet e inflacionit janë pozitive, por duhet kujdes

auto_prishtina-3-1-1-600x3601627103516-1

Katari e sheh Kosovën si një vend premtues për investime, Kurti takon ambasadorin jorezident, Al Dosari

Plazh greqi hanioti

Pushimet në Greqi sivjet shtrenjtohen për 20-30%

INFO

NA NDIQ