Kryetari i Komunës së Vrapçishtit, Isen Shabani, së fundi është përfolur se braktisë koalicionin Fronti Evropian ku është pjesë ASH e Ziadin Selës.
Burime partiake thonë për INA se ai më në fund do përfundoj tek ASH e Taravarit.
Lidhur me këto zëra sot ka folur Shabani për TV Globi, duke thënë se në zgjedhjet lokale të cilat priten të mbahen në tetor të këtij viti, do të garojë i pavarur.
Por për rreshtimin e ri partiak pritet të deklarohet gjatë periudhës në vijim.
“Po, informacioni juaj është i saktë, në zgjedhje lokale do të garojë sërish dhe do të jem kanididat i pavarur. Pres mbështetjen e çdo banori të Komunës së Vrapaçishtit pavarësisht përkatësisë etnike apo politike”, na tha Isen Shabani, kryetar i Komunës së Vrapçishtit.
I pyetur nëse me këtë veprim shkëputet nga Ziadin Sela i cili është në koalicon me Frontin Evropian të udhëhequr nga BDI dhe i bashkangjitet Arben Taravarit, Shabani tha se tash për tash nuk dëshiron të flas asgjë më shumë.
“Tani me ekipin tim në komunë jemi të fokusuar në kreryen e obligimeve që kemi si detyrim në vitin e fundit të mandatit. Më pak politikë, më shumë punë deri në zgjedhje”, theksoi Isen Shabani, kryetar i Komunës së Vrapçishtit.(INA)
