Ish-ministri serb i mbrojtjes preferon që Kosova e Serbia të arrijnë marrëveshje në faza

0

Ish-ministri serb i mbrojtjes preferon që Kosova e Serbia të arrijnë marrëveshje në faza

Presidenti i Këshillit për Strategji të Politikave dhe ish-ministri i Mbrojtjes së Serbisë, Dragan Shutanovac, tha se do të ishte jashtëzakonisht e vështirë të arrihet një marrëveshje detyruese midis Beogradit dhe Prishtinës dhe se ishte i nevojshëm një “marrëveshje fazore” që do të mundësonte normalizimin e plotë të marrëdhënieve.

“Ka përshtypje se me hyrjen e Lajçakut dhe veçanërisht Grenellit, të cilët përfaqësojnë BE-në dhe SHBA-në, kërkimi për një zgjidhje u përshpejtua në procesin e negociatave. Takimi në Paris me pjesëmarrjen e liderëve të Francës dhe Gjermanisë tregon dëshirën që BE të jetë ndërmjetësi kryesor negociues”, tha Shutanovac për Blicin serb.

“Sidoqoftë, përpjekja e tyre për të gjetur një zgjidhje krijuese është shumë më pak se ajo amerikane, dhe do të jetë jashtëzakonisht e vështirë të arrihet një marrëveshje detyruese që duhet të bazohet në një kompromis, dhe jo në kërkesat dhe ultimatumet e secilës palë”, shtoi ai.

Ai beson se ka nevojë për një marrëveshje fazore që do të mundësonte normalizimin e plotë të marrëdhënieve, por edhe të respektonte realitetin se nuk bëhet fjalë vetëm për raportet midis Beogradit dhe Prishtinës, as për problemin rajonal, por që nga lufta në Ukrainë, problemi i Kosovës ka implikime më të mëdha

Duke iu referuar aktakuzës ndaj presidentit të Kosovës, Hashim Thaçi, Shutanovac tha se në fund të vitit të kaluar dukej që Vuçiq dhe Thaçi mund të arrinin një lloj marrëveshje të qëndrueshme, por që edhe atëherë ishte e qartë se kishte qendra të pushtetit që nuk ishin për marrëveshje që do t`i bënin vetë Beogradi dhe Prishtina