Nënkrytetari i Kuvendit të RMV-së dhe anëtari i kryesisë së Alternativës, Hysni Ismaili ka mohuar për gazetën “Sloboden Pecat” se ngecja e nënkryetarit të Kuvendit është sinjal se partia po bën kalkulime për t’u rikthyer në Qeveri.
” Unë nuk do të jap dorëheqje si nënkryetar i Kuvendit, sepse kjo do të supozojë se diçka kam gabuar. Më mirë të më shkarkojnë, maxhoranca mund të më bëjë interpelancë. Pas votimit të rikonstruimit të Qeverisë, janë shtuar përditë thirrjet e qeverisë se Alternativës i është hapur dera në Qeveri, sepse fillimisht patën mazhorancën 65, më pas 64 dhe për shkarkimin e zëvendësministrave mazhoranca ra në 62 deputetë. Tani e shohin se u mungon Alternativa, dhe kanë lejuar që për tre drejtorë të humbasin tre deputetë”, thotë Ismaili.
Ai thotë se partia pas largimit nga qeveria nuk ka diskutuar për kthimin e mundshëm të saj dhe se prioritet i tyre është konsolidimi i partisë. (INA)
