Italia kërkon që Facebook të paguajë TVSH prej rreth 870 milionë eurosh

ina-online
ina-online

22/12/2023

Italia ka kërkuar që kompania “Meta” të paguajë tatim për rrjetin social Facebook, në vlerë prej 870 milionë euro. Kërkesa është dërguar për vlerësim në komitetin e TVSH-së të Komisionit të Bashkimit Evropian.

Korporata amerikane, e cila zotëron gjithashtu platformat Instagram, WhatsApp dhe Oculus, përballet me këtë kërkesë pasi prokurorët e Milanos filluan një hetim ndaj kompanisë në bazë të një kontrolli të policisë tatimore, shkruan Reuters.

Auditimi, i ideuar dhe kryer nga policia italiane Guardia di Finanza (GdF), pretendon se regjistrimet e përdoruesve të Metas mund të shiheshin si një transaksion i tatueshëm, pasi ato nënkuptonin shkëmbimin jomonetar të një llogarie anëtarësimi, për të dhënat personale të përdoruesit.

Meta ka deklaruar vazhdimisht se nuk është plotësisht dakord me idenë se ofrimi i aksesit në platformat online për përdoruesit duhet t’i nënshtrohet tatimit mbi shitjet (TVSH).

Nuk dihet se kur do të vlerësohet kërkesa e dërguar në komitetin e BE-së për TVSH-në, por një “jo” e tij mund të shtyjë ministrinë dhe agjencinë tatimore të ndalojnë sfidimin e Metës dhe përfundimisht të heqin dorë nga hetimi penal që janë duke e bërë prokurorët e Milanos.

TVSH-ja është një taksë e harmonizuar në nivel evropian, kështu që nëse do të konsiderohej se aplikohet në Itali, do të duhej të zbatohej automatikisht për të gjitha vendet e tjera anëtare të BE-së.

Një zëdhënës i Komisionit Evropian nuk pranoi të komentojë drejtpërdrejt mbi këtë çështje, duke vënë në dukje se komiteti i TVSH-së ishte një grup i pavarur këshillimor.

“Komiteti i TVSH-së rregullisht merret me çështjet e ngritura nga shtetet anëtare dhe si rezultati ashtu edhe afati kohor varen nga agjenda”, tha zëdhënësi.

Policia dhe agjencia tatimore e GdF-s llogaritën një model sipas të cilit Metës do t’i duhej të paguante rreth 220 milionë euro tatim mbi shitjen në vend në vitin 2021. Ata llogaritën gjithashtu se TVSH-ja e detyrimit për periudhën 2015-2021 do të ishte në total 870 milionë euro.

Italia ka ndjekur kompani të tjera teknologjike mbi taksat. Platforma e dhënies me qira të pronave Airbnb (ABNB.O) tha këtë muaj se do t’i paguajë 576 milionë euro Agjencisë Italiane të të Ardhurave për të shlyer detyrimet e papaguara të tatimit mbi të ardhurat për 2017-2021.

TË FUNDIT

ME TE LEXUARA

LEXO MË SHUMË

dokumente pasaporta

Qytetarët e Shkupit mund të kontrollojnë online nëse pasaporta e tyre është gati

termet

Tërmet në afërsi të Ulqinit

Talat Xhaferi

Xhaferi në Samitin e Investimeve për Ballkanin Perëndimor të BERZH-it

Partite politike BDI vlen ash pde lp pdsh

Cilat janë emrat e kandidatëve për deputetë të partive në njësinë e dytë zgjedhore?

partite politike shqiptare VLEN BDI Populli PDSH ASH Sela PDE

Partitë gati emrat për deputetë në njësinë e parë zgjedhore, kush me kë?

kuvendi-i-rm-dasdasd-800x445

Partitë a do të heqin bërrylat për profesionistët dhe shoqërinë civile në listat për deputetë

spital-infermiere-mjeke shendetesi

Maqedoni/Mjekët punësohen nëpërmjet partisë ose kritereve tjera

Glauk Konjufca

Konjufca: Serbia është e gatshme t’i shtyjë planet e Putinit për destabilitet e luftë në rajonin tonë

supermarketet-800x445

Qytetarët blejnë vetëm produktet e nevojshme dhe kanë frikë nga një rritje e re çmimi

INFO

NA NDIQ