Për shkak të dëshmive se zëvendëskryeministri Artan Grubi ka shfrytëzuar hapësirat e Ministrisë për Sistem Politik dhe Marrëdhënie mes Bashkësive për qëllime partiake, Komisioni Anti-korrupsion paralajmëroi se do ta informojë zëvendëskryeministrin për Qeverisje të Mirë, Slavica Gërkovska.
Siç bëri të ditur kryetarja e Komisionit Anti-korrupsion, Biljana Ivanovska, komisionit i janë ofruar dëshmi dhe informacione se zv.kryeministri Artan Grubi, shpesh herë i shfrytëzon objektet zyrtare të ministrisë për të mbajtur takime për qëllime partiake.
“Ka fotografi të partisë politike BDI në Facebook ku shihet se në këtë ministri janë mbajtur takime të kryetarit të partisë me përfaqësues ndërkombëtar”, tha Ivanovska.
Nga Komisioni Anti-korrupsion theksojnë se kjo nuk është në përputhje me kodin e sjelljes etike të Qeverisë dhe funksionarëve dhe për këtë arsye do ta njoftojnë zv.kryeministren Slavica Gërkovska.
