Nga Enti Meteorologjik i Maqedonisë së Veriut nuk parashohin mot të ftohtë edhe gjatë muajit nëntor.
“Këtë vit, muaji nëntor do të jetë 2 deri në 3 gradë më i ngrohtë në vendin tonë, që nuk është pak, që do të thotë se ky muaj si në vendin tonë ashtu edhe në të gjithë rajonin do të na sjellë ditë të nxehta, me temperatura të larta. Reshjet duhet të jenë rreth mesatares, me pak më shumë reshje në rajonet më veriore të Gadishullit Ballkanik.
Megjithatë, duhet të theksojmë se pavarësisht kësaj, nuk do të thotë domosdoshmërisht se nuk do të kemi periudha të motit më të ftohtë. Natyrisht, në nëntor presim valën e parë më të theksuar të ftohtë nga veriu, sidomos kah fundi i muajit dhe mund të sjellë edhe borë”, thotë meteorologu Sllavço Popovski.
Sipas tij, në total do të ketë temperatura që do të kalojnë 20 gradë, sidomos në zonat më të ngrohta qendrore dhe juglindore të vendit.
Në gjysmën e parë të nëntorit nuk priten temperaturat e mëngjesit dhe ngricat. Megjithatë kushtet për paraqitje të mjegullës në lugina dhe lugina lumore do të rriten.
“Qytetarët duhet të dinë një gjë, ajo është se ndërkohë që mbi Atlantik po krijohen ciklone të forta dhe një fushë me presion shumë të ulët ajri, në vendin tonë nuk ka asnjë njoftim për një skenar dimëror”, theksoi Popovski.(INA)
