Së paku 300 qytetarë nga Shkupi, Kumanova dhe disa tjera po përgatiten të premten herët në mëngjes për t’u nisur me gjithsej 6 autobusë për në Beograd.
Të premten ata do të marrin pjesë në protestën e organizuar në mbështetje të politikave të presidentit serb Alekasandar Vuçiq.
Presidenti serb po organizon një anti protestë kundër opozitës dhe qytetarëve që po protestojnë rrugëve të Beogradit kundër tij dhe pas dy vrasjeve masive dhe makabre.
Organizimi i transportit falas për në Beograd për këtë tubim aktualisht po bëhet në Shkup dhe Kumanovë dhe të dy organizatorët mohojnë publikisht se kanë marrë mbështetje nga qeveria serbe.
Në Kumanovë organizimi është bërë nga këshilltari në komunën e Kumanovës nga koalicioni VMRO-DPMNE, Miroslav Triçkoviq, ndërsa në Shkup nga organizat joqeveritare “Paqe, harmoni dhe stabilitet”, e cila organizon 4 autobusë për rreth 200 persona. (INA)