shkruan Sali Bytyqi
Sa i përket ndryshimit të qëndrimit të Fatmir Limajt ndaj Albin Kurtit, duhet të them se, përkundër Ramushit që vazhdon me ato akuzat bajate se Albini është agjent i Serbisë, Fatmir Limaj e di se Albin Kurti nuk është agjent i Serbisë. E di këtë Fatmiri se vëllai i tij, Demiri, ka qenë në një dhomë me Albin Kurtin për muaj të tërë në burgun e Nishti, ka mundesi te ketë qenë edhe në ndonjë burg tjetër. Para Fatmirit me Albinin është bërë edhe Rexhep Selimi i cili e ka pasur në burg në një dhomë me Albinin vëllain e tij, Asllanin. Sigurisht që këta dy vëllezër, pa marrë parasysh inatet personale, ndonjëherë u kanë folur vëllezërve të vet kush ishte Albin Kurti në burg. Atë deklaratën e famshme që e ka dhënë Albin Kurti në Gjyqin e Nishit se është qytetar i Republikës së Kosovës dhe se nuk i jep llogari shtetit të Serbisë, Albini e ka dhënë së pari në praninë tonë e, edhe në praninë e këtyre dy vëllezërve që i ceka më lart.
