Ish-ministri serb për minoritetet në Qeverinë e Kosovës, Aleksandar Jabllaniviq, në emisionin e Kanal10 ka folur për krimet që ka bërë shteti serb në Kosovë gjatë luftës së fundit 1998-1999, duke thënë se atë kohë unë kam qenë në shkollë të mesme.
“Në Kosovë ka pasur luftë, shihen varrezat, ka pasur një tragjedi ku kanë pësuar edhe shqiptarët edhe serbë”, tha ai.
Ai tutje tha se i vjen turp për krimet që siç tha ai njerëzit nga kombi dhe feja jonë kanë bërë ndaj civilëve të pafajshëm.
“Ka edhe serb edhe romë të vrarë por ne duhet të jemi unik dhe pragmatik. Viktimat nuk mund t’i ngjallim por duhet gjeneratave duhet t’iu themi, po ka pasur krime, kriminelët duhet të përgjigjen në emrin e tyre dhe jo të thuhet që i kanë bërë në emrin tonë ato krime”, tha Jabllanoviq.
Ai tutje foli edhe për marrëveshjen e Brukselit duke thënë se ajo nuk mund të sjellë paqe dhe pajtim mes shqiptarëve dhe serbëve.
“Duhet të këtë një plan sikur gjermano-francez, është rrugë e vështirë, qe 4 dekada jemi në gjendje të jashtëzakonshme”, tha ai.
Ai tutje tha se serbët duhet të kenë të drejtat që të ndihen mirë në Kosovë. Nëse ata fitojnë të drejta, kjo nuk do të thotë që pjesa tjetër po i humb ato të drejta.
