Nga Prokurori Publik thonë se prokurori kujdestar mbrëmë ka kryer kontroll në vendin e ngjarjes në Rashçe, ku një veturë me pasagjerë doli nga rruga dhe ra rënë në ujërat e lumit Vardar, përcjell TV21. Nga Prokuroria njoftojnë se po vazhdojnë kërkimet për personin e tretë, kurse është dhënë urdhër për realizimin e autopsisë te tri gratë që vdiqën në aksident. Sipas informacioneve të Prokurorisë, vetura e aksidentuar po drejtohej nga njëra prej grave të ndjera.
https://www.facebook.com/tv21hd/videos/917924070319048/?ref=embed_video
“Pavarësisht kushteve jashtëzakonisht të vështira, në terrene pa qasje, janë ndërmarrë të gjitha veprimet për sigurimin e gjurmëve dhe provave me qëllim përcaktimin e shkaqeve të aksidentit. Së bashku me veturën nga ujërat e Vardarit janë nxjerrë edhe tri gra të vdekura, për të cilat është lëshuar urdhër për autopsi. Po kërkohet një person tjetër, ndërsa në veturë udhëtonte edhe një fëmijë, i cili është gjetur i lënduar, jashtë automjetit dhe është dërguar në Qendrën Klinike. Sipas informacioneve fillestare, automjeti drejtohej nga njëra prej të ndjerave. Gjithashtu do të lëshohet urdhër për ekspertizë ndaj veturës. Sipas udhëzimeve të prokurorit publik janë intervistuar dëshmitarët okularë të ngjarjes, si dhe familjarët e familjes në automjet, me qëllim zbardhjen e të gjitha rrethanave”, thonë nga Prokuroria./tv21.tv
https://www.facebook.com/TV21Videos/videos/575797805360215/?ref=embed_video
