Jeta e re e Marcelos pas largimit nga Real Madrid

Më pak se dy muaj pas largimit nga Real Madrid, Marcelo është më afër pensionimit sesa vazhdimit të karrierës së tij të jashtëzakonshme si futbollist.

Pas largimit nga Estadio Santiago Bernabeu me tre tituj në sezonin 2021-22, braziliani nuk është bindur nga ofertat nga Katari apo MLS, ndër të tjera.

Kjo do të thotë se mundësia e daljes në pension është e fortë në të ardhmen e afërt të lojtarit me më shumë tituj (25) në historinë e Real Madridit.

Marcelo prej kohësh po përgatitet për jetën pas futbollit, duke hedhur themelet për një karrierë si biznesmen, transmeton Gazeta Express.

Tani, ndërsa karriera e tij profesionale e futbollit po i vjen fundi, ai mund të përqendrohet në interesat e tij jashtë fushës.

Marcelo aktualisht zotëron dy klube, Azuriz, nga kampionati brazilian dhe Mafra, nga divizioni i dytë portugez. /Gazeta Express/