Gjithmonë e më shumë njerëzit në mbarë botën po bëhen të varur nga ilaçet duke i konsumuar, madje edhe në rastet kur nuk janë realisht shumë të nevojshme.
Po ashtu ka pacientë të cilët vuajnë nga disa sëmundje njëkohësisht dhe për këtë arsye janë të detyruar të pinë disa tableta të ndryshme çdo ditë.
Ilir Pecnikaj, ekspert farmaceutik është shprehur se medikamente si paracetamoli i përzierë me kafeinë krijojnë varësi, nëse rritet doza e marrjes së tyre.
“Një medikament që është përzierja kafeinë me paracetamol, në Amerikë është shumë i njohur dhe në Shqipëri e marrin duke menduar se vjen nga Amerika. këto medikamente krijojnë varësi, sa më shumë t’i marrim aq më shumë bie ndikimi i tyre dhe rritet sasia që duhet të marrim. Duke rritur sasinë kalojmë në overdozë”, shpjegoi eksperti.
