Falë medaljes së argjendtë të fituar në Kampionatin Botëror të zhvilluar së fundmi në Budapest, Distria Krasniqi ka kapur kryesimin e listës botërore të xhudos.
Ajo tashmë mban totalin më të lartë të pikëve mes të gjitha xhudisteve dhe xhudistëve në glob.
Publikimi i renditjes së re u bë të hënën dhe, për shkak të rezultateve të kampionatit, renditjet kanë pësuar lëvizje të mëdha.
Në versionin e mëparshëm, kosovarja renditej e dyta në peshën –52 kg me 5 655 pikë, pas francezes Amandine Buchard, që kishte 5 700. Shtesa prej 1 400 pikësh nga medalja e fundit e ka çuar Krasniqin në kuotën 7 055, duke lënë Buchard në vendin e dytë.
