Juventusi e nis sezonin me këmbën e djathtë, falë fitores 3-0 kundër Udineses në ditën e parë të Serisë A. Në Dacia Arena mjaftojnë 45′ e para që bardhezinjtë të japin më të mirën ndaj friulianëve. Pas një minutë e 48 sekonda, Chiesa zhbllokon ndeshjen me një goditje të saktë në këndin e djathtë, më pas në minutën e 20-të Vlahovic dyfishon nga penalltia. Në kohën shtesë (48′) goditja me kokë e Rabiot përfiton nga një dalje e gabuar e Silvestrit. Udinese rritet në pjesën e dytë, por Szczesny është i pakalueshëm.
Dhe duke fituar në Udine, Allegri u bë trajneri i dytë i Juventusit që kaloi vijën e finishit prej 250 fitoresh bardh e zi duke marrë parasysh të gjitha garat që nga viti 1929/30, pas Giovanni Trapattoni (319): “Një burim krenarie dhe e marr vesh nga ju, – tha ALegri në konferencën për shtyp pas ndeshjes. “Të qenurit trajneri i Juventusit ka qenë një burim krenarie për tetë vjet, jam shumë i lumtur, të jesh pas një legjende të futbollit italian si Trapattoni mund të jetë vetëm një burim krenarie – tha ai në konferencë – Dua të kujtoj Mazzone që na la, unë pata fatin të njoh trajnerët e vjetër dhe jam krenar për këtë, ishte një futboll tjetër, por mbi të gjitha po flas për anën njerëzore”.
Lazio e nisi në mënyrën më të keqe në Serinë A: në fakt, në Via del Mare, skuadra e Maurizio Sarri humbi 2-1 nga Lecce, e cila fitoi me përmbysje në fundin e ndeshjes. Goli i Immobile në minutën e 26-të me një asistim nga Luis Alberto nuk mjaftoi : mes minutave 85 dhe 87 mbërriti goli i mrekullueshëm i Almqvist dhe vula e Di Francesco -s, duke bërë që djemtë e D’Aversa të shpërthejnë nga gëzimi. Pas 90 minutash, bardhekaltrit e panë veten në disavantazh.
Roma dhe Salernitana bëjnë një barazim spektakolar 2-2 në ditën e parë të Serie A. Në Olimpico, verdhekuqt, pa Mourinhon. Në stol për shkak të penalizimit dhe të udhëhequr nga Bruno Conti, e nisin sezonin me emocione dhe gjejnë Andrea Belotti i cili hapi fillimisht rezultatin në minutën e 17-të, më pas jep golin e barazimit në minutën e 82-të pas dygolëshit spektakolar të Candrevës. Barazimi dhe nga një pikë për secilën palë, me kryeqytetasit që largohen nga fusha duke marrë një psherëtimë lehtësimi për nokautin e shmangur kundër një Salernitana në formë të shkëlqyer.
