Gjykata Federale e Federatës Italiane të Futbollit ka dhënë sot pasdite vendimin për çështjen e plusvalencave të Juventusit.
Mediat italiane bëjnë të ditur se bardhezinjve u janë hequr 10 pikë nga renditja aktuale në Serinë A.
Tashmë Juventusi ka 59 pikë në renditjen e Serie A, duke zbritur në vend të tetë, jashtë Kupave të Europës.
Gjithashtu Gjykata vendosi të lirojë nga akuzat 7 drejtues të Juventusit, si Pavel Nedved, Paolo Garimberti, Assia Grazioli Venier, Caitlin Mary Hughes, Daniela Marilungo, Francesco Roncaglio dhe Enrico Vellano, për të cilët prokuroria kishte kërkuar 8 muaj pezullim.
