Një shkupjan dyzet e një vjeçar dyshohet se e ka shkaktuar zjarrin në hapësirat e Odës së Avokatëve të RMV-së dhe në këtë mënyrë ka shkaktuar rrezik të dukshëm për jetën dhe trupin e njerëzve në përmasa të mëdha. Për të është propozuar masë arresti e cila do të fillojë të zbatohet, kur i njëjti të gjendet dhe privohet nga liria, ndërsa ndërkohë për të do të shpallet urdhërarrest.
-Prokuroria Themelore Publike Shkup ka lëshuar urdhëresë për zhvillimin e procedurës hetuese ndaj një 41-vjeçari nga Shkupi, për të cilin ekziston dyshimi i bazuar se ka kryer – Krime të rënda kundër sigurisë së përgjithshme nga neni 292 paragrafi 1 lidhur me nenin 288 paragrafi 3 në lidhje me paragrafin 1 të Kodit Penal Më 25 nëntor, i dyshuari me dashje ka vënë zjarrin në objektin e Odës së Avokatëve të RMV në rr. “Metodia Shatorov – Sharlo”, duke shkaktuar rrezik të konsiderueshëm për jetën dhe trupin e njerëzve dhe pronën në përmasa më të mëdha, njofton Prokuroria Publike Republikane.
Nga Prokuroria thonë se një javë më parë, i dyshuari ka marrë një sëpatë me një dorezë gome, një çakmak me gaz, doreza mbrojtëse dhe 48 çakmakë vajguri. Në mëngjesin kritik, ai ka ardhur me automjetin e tij pranë ndërgtesës ku ndodhen ambientet e Odës së Avokatëve, i maskuar ka thyer me sëpatë derën e hyrjes. Ai renditi kubat e vajgurit në shkallë, vendosi disa shishe gazi sipër tyre dhe i vuri zjarrin duke përdorur çakmakun. Kjo ka shkaktuar një zjarr të madh në një ndërtesë banimi. Dëmi i shkaktuar llogaritet rreth 9.255.000 denarë. Vetëm 30 minuta pas ngjarjes, i dyshuari është larguar menjëherë nga vendi me automjetin e tij, përmes pikës kufitare “Bllacë”.
