Sot në mëngjes (23 janar 2023) ka ndërruar jetë në moshën 75-vjeçare nëna e dëshmorit Nezir Demiri-Komandant Apaçi, zonja Makfire Demiri nga Kumanova.
Varrimi i të ndjerës do të bëhet sot (e hënë) me namazin e akshamit në varrezat e qytetit të Kumanovës.
Deputeti nga Sllupçani, Berat Ajdari i ka shprehur ngushëllime familjes.
“Qofsh e parajsës, nëna e dëshmorit të kombit Nezir Demiri, Nëna Makfire. Një nënë e cila dha një pjesë të shpirtit për të mirën tonë, shembulli më i mirë se si edukohet familja për atdhedashuri”, ka shkruar Ajdari. (INA)
