Nënkryetari i Aleancës për Shqiptarët, Garip Kaba përmes një postimi në rrjetet sociale ka reaguar ashpër pas arrestimit të dy djemve të tij nga policia e Maqedonisë. Siç theksoi ai, “regjimi aktual hibrid po përdor shpifjet dhe shantazhin për të ushtruar presion politik.”
Ja reagimi i plotë:
Regjimi hibrid i(Svlenit) filloi me përndjekje sepse jetojnë me halucinacione !
Sonte sapo u informova se policia ka arrestuar djalin tim, Landin, dhe djalin tjetër Bardhokun mbi bazën e një shpifjeje për gjoja kërcënim ndaj ish-deputetit dhe “ambasadorit të ardhshëm”Salim Sulejmanit.
Asnjëherë nuk e kam menduar se me shpifje dhe shantazhe do të përpiqen të ushtrojnë presione të tilla.
Shpresoj që kjo të jetë një gabim dhe e vërteta të dalë në sipërfaqe.
Shpifja dhe kërcënimi nuk janë pjesë e kulturës së familjes sime, por as e kulturës së shqiptarëve të vërtetë.
Kam duruar shumë vite dhe asnjë regjim nuk më ka thyer!
Hoxha i “ngujuar”nga Malet e Sharrit është mirë të thirret në ndërgjegjen e vet dhe ta vazhdon misionin e tij por jo me keto lojra të pista”, ka reaguar Kaba.(INA)
