Kryetarja e Gjykatës Kushtetuese, Dobrilla Kacarska sot sërish ka kritikuar bllokimin e Komisionit për Zgjedhje dhe Emërime në Kuvend, përcjell TV21. Kacarska ngre dyshimet se dikush dëshiron që Gjykata Kushtetuese të mos ketë funksionalitet të plot.
“Sjellja e tillë e deputetëve është me të vërtetë joserioze, gjegjësisht të mos e kuptojnë rolin e Gjykatës Kushtetuese. Kështu që kohës së fundit po ia parashtroj pyetjen vetes, mos ndoshta dikujt i konvenon që Gjykata Kushtetuese të mbetet në këtë situatë”, tha mes tjerash Kacarska.
Ndryshe, Gjykata Kushtetuese aktualisht funksionon me 5 gjyqtar, ndërsa për funksionimin e plotë nevojiten 9 gjyqtar. Zgjedhja e 4 gjyqtarëve është bllokuar në Komisionin për Zgjedhje dhe Emërime në Kuvend.
