Zv/ministrja e transportit Kaltrina Zekolli Shaqiri deklaroi se, kryeministri Kurti ka dhënë mbështetje të fuqishme për rrugën Prizren- Tetovë
“Gjatë takimit të dytë të grupit punues në Kosovë, patëm nderin të mirëpritemi nga Kryeministri Albin Kurti, i cili ndau vizionin e tij për këtë projekt dhe na uroi për hapat konkretë që po ndërmarrim.
Në takim morën pjesë edhe deputeti Bekim Qoku si dhe ndihmësdrejtori i Ndërmarrjes Publike për Rrugët Shtetërore të Maqedonisë së Veriut, z. Boris Nastov, duke theksuar përfshirjen e plotë të niveleve politike dhe teknike në këtë proces.
Sigurimi i detyrës projektuese në kohë rekord është hapi më i madh konkret drejt implementimit të rrugës.
Përkrahja e Kryeministrit dhe institucioneve është dëshmi e rëndësisë që ka kjo lidhje për të dy vendet.”, është shprehur ajo. (INA)
