Nga fillimi i vitit të ardhshëm, videokamerat nëpër rrugët e Shkupit do të fillojnë me shqiptimin e gjobave për kundërvajtje në komunikacion, njoftoi Ministria e Punëve të Brendshme (MPB).
Projekti “Qyteti i sigurt”, i cili synon rritjen e rendit dhe sigurisë në komunikacion, do të ndihmojë në uljen e numrit të viktimave në aksidente trafiku, thonë autoritetet.
Ata njoftojnë edhe ndryshime ligjore për të mundësuar dënimin automatik, pa pasur nevojë për ndërhyrje njerëzore në procesin e vendosjes për veprën penale. Është bërë e ditur se projekti do të zbatohet plotësisht deri në fund të vitit 2025.
Kamera do të regjistrojë shkeljen dhe dënimi do të jepet pa mundësi anulimi përmes thirrjeve apo emergjencave. Projekti u testua tashmë në qershor, kur në vetëm dy orë u regjistruan rreth 5000 shkelje.(INA)
