Kandidatura e Zulfi Adilit-Qufës për anëtar të KSHZ-së si propozim i partisë PDE është tërhequr. Këtë për Alsat e konfirmuan sot nga grupi parlamentar i opozitës shqiptare por edhe nga grupi parlamentar i VMRO-DPMNE-së.
Por nga ana tjetër, Adili ka theksuar se është emëruar drejtor i Agjencisë për Investime të Huaja, post që deri më tani e ka kryer Gazmend Abdija, që u shkarkua për shkak të përkrahjes së Arben Taravarit. “Nuk e kam tërhequr kandidaturën për në KSHZ, por Qeveria më ka emëruar drejtor të Agjencisë për Investime të Huaja”, theksoi Zylfi Adili për TV21.
Lidhja Evropiane për Ndryshim pret që pas këtij hapi, KSHZ të caktojë vazhdim të seancës për ditën e nesërme dhe të zgjedhë kandidatin e tyre për anëtar të KSHZ-së, Abdush Demirin.
Çështja ishte problematizuar prej muajsh pasi opozita shqiptare këmbëngulte se i takon pozita e anëtarit në KSHZ me qëllim që procesin zgjedhor të jetë i besueshëm dhe fer. Ata kishin akuzuar ish kreun e Kuvendit Talat Xhaferi dhe kryetaren e Komisionit për Zgjedhje dhe Emërime Marija Georgievska për bllokim të qëllimshëm.(INA)
