Kandidati i koalicionit VLEN për komunën e Haraçinës, Daut Beqiri, ka dalë fitues që në raundin e parë të zgjedhjeve lokale, duke mposhtur kundërkandidatin e Aleancës Kombëtare për Integrim (AKI), Skënder Isufi.
Sipas të dhënave të KSHZ-së, kandidati i VLEN-it, Daut Beqiri ka fituar 2.647 vota, ose 51,34%, ndërsa kandidati i AKI-së, Skender Isufi, ka fituar 2.361 vota ose 45,79%.
Fitorja në Haraçinë vjen si pjesë e një performance më të gjerë të koalicionit VLEN në disa komuna me shumicë shqiptare, ku garat kanë qenë të ngushta dhe me rivalitet të theksuar mes forcave politike shqiptare.(INA)
