Kryetari i Komunës së Tetovës, Bilal Kasami, së bashku me punëtorët e ndërmarrjes komunale mbrëmë kanë punuar në pastrimin e borës dhe akullit nga trotuaret, si dhe hedhjen e kripës.
Në fotot e shpërndara në rrjetet sociale shihet Kasami së bashku me drejtorin Nuredin Fetai duke gërmuar me lopata në duar dhe duke hequr borën dhe akullin nga trotuaret e ngrira të qytetit.
Ata kanë ndihmuar edhe punëtorët në hedhjen e kripës.
Ndërsa të gjithë janë në shtëpitë e tyre në këto temperatura të ulëta, heronjtë e qytetit kujdesen për hapësirat publike. Sonte kemi pastruar bashkërisht trotuaret nga bora dhe akulli i krijuar nga temperaturat e ulëta. “Siguria dhe lëvizja e lirë e qytetarëve është detyra jonë”, tha Bilal Kasami.
Dy ditë më parë kryebashkiaku u premtoi punonjësve të Higjienës Komunale uniforma dhe pajisje pune të reja, paga më të larta dhe kushte më të mira pune në ambientet e tyre. (INA)